संत

कुठे शोधू देवा तुला,

दिसे ना तू राऊळात ..

पंढरीचा विठू माझा ,

नांदे संतांच्या घरात ..

विठू दळण दळितो ,

जनाबाई ओव्या गाई ...

दासा घरी रमलीगे ,

माझी वैकुंठाची आई ..

देव नाचे वाळवंटी,

नामदेव किर्तन करी...

खीर चाखली नाम्याची ,

तृप्त झाला माझा हरी..

नाथा दारी वस्त्रे धुतो,  

तोची श्रीखंड्या बनला ..

संत कबिराच्या घरी,

शेला देवाने विणला ...

 

ऐसा भक्तीचा महिमा ,

दास विठ्ठलाला केले ..

सोडुनिया वैकुंठाला,

चक्रपाणी घरा आले ...