पदर माझ्या मायेचा

माझ्या मायचा पदर 

संकटांना पेलनारा .

माळरानी राबताना

उन्हतान्ह झेलणारा .

माय पुसते आसवं

अन् न्याहाळते मुख .

माऊलीच्या मायेपुढे

फिके पडे स्वर्ग सुख .

झळणाऱ्या वादळांना

देते उत्तर हसुन .

माय भिडे संकटांना

घट्ट पदर खोचुन .

बंध मायेचे गुंफुनी

सावरते घरदार .

फाटलेल्या पदराची

नाही पैठणीला सर .

माझ्या माईचा पदर 

जसा विठोबाचा शेला .

पदराच्या छायेमध्ये

पान्हा पाजतसे मला .