माय मराठी
माय मराठी
माय मराठी आमुची ,
अमृताची तीला गोडी ...
ज्ञानोबांच्या ,तुकोबांच्या,
अभंगाची तीला जोडी ..
माझी साधीभोळी भाषा
खुप मधाळ मधाळ ..
पाजे शब्दांचाच पान्हा
माय दुधाळ दुधाळ..
पहाटेच्या प्रहराला ,
ओव्या गाई माझी माय ...
मराठीचा गोड स्वर ,
पान्हा सोडतसे गाय ...
माझी मराठी समृद्ध,
माऊलींची ज्ञानेश्वरी ..
शब्दां शब्दात वसला,
माझा पंढरीचा हरी ..
काना मात्रा विभुषीत ,
शोभे वेलांटी उकार ...
भाळी उभा अनुस्वार,
माय मराठी साकार...