संत गाडगेबाबा

वैज्ञानिक दृष्टी || ज्यांची सर्वकाळ||

किर्तनाची माळ || जपणारे ||१||

गाडगे बाबा हे || कर्मयोगी संत||

विचार श्रीमंत || हितकारी ||२||

साधी ती रहाणी || गावोगावी वाटा||

हातात खराटा || असे सदा ||३||

 

संदेश सर्वांस || स्वच्छतेचा ध्यास||

मनी त्यांच्या खास || असे सदा||४||

किर्तनात त्यांच्या || लोक प्रबोधन||

सुंदर वचन || वाणीतून ||५||

सुधारणावादी || विचारांची माळ||

देती सर्वकाळ || किर्तनात ||६||

माणसात देव || सांगणारे संत||

कुप्रथेचा अंत || करणारे ||७||

आयुष्यात केली || दुबळ्यांची सेवा|| 

माणुसकी ठेवा || सांगितले ||८||