लाइब्रेरी
प्रोफाइल
आला श्रावण मास
आला श्रावण मास
1 min
199
मास हा चैतन्याचा
एक उत्साह मनात
उत्सवांची रेलचेल
व्रत पूजा श्रावणात.
निसर्गाची हिरवळ
दृश्य दिसे मनोहर
वसुंधरा पांघरते
शालू हिरवी सुंदर.
मास ऊन पावसाचा
लपंडाव चाले छान
वृक्ष वेलीचे श्रृंगार
आकर्षित करी ध्यान.
दर-दिवशी महत्व
असे श्रावण मासात
व्रत पूजा उपवास
भक्ती भाव उत्साहात.
उत्सवाचा राजा आहे
ऋतु हा श्रावणमास
म्हणूनच श्रावणाला
ऋतूमध्ये मान खास.
