संकल्प

वर्ष नवे संकल्प नवा

नव्या उमेदीचे नवे तराणे

स्वप्न नवे जोश नवा

गाऊ हर्षाचे जीवनगाणे ||१||

वेध घेण्या अवकाशाचे

बळ पंखात विश्वासाचे

करु विहंग निर्भयतेने

स्थापू विश्व आनंदाचे ||२||

देऊ तिलांजली मतभेदांना

निर्माण करु अभेद्य नाते

उजळवून टाकू दाही दिशा

ठसवू मनी निर्धाराचे पाते ||३||

जागवू ध्यास यशाचा

वाढवू भूक लढण्याची

ठेवू जागृत देशप्रेम

लावू सवय जिंकण्याची ||४||

करू हाच सत्य संकल्प

देऊ दीना हात मदतीचा

चेहऱ्यावर हसू खुलवण्याचा

अपंगास प्रेरणा देण्याचा ||५||

हरवलेला संवाद साधण्याचा

थोरामोठ्यांच्या सन्मानाचा

आई-वडील, शिक्षकांच्या आदराचा

संकल्प सर्वसामान्यांच्या हिताचा ||६||