Vinita Kadam

Classics


3  

Vinita Kadam

Classics


कोकिळ

कोकिळ

1 min 207 1 min 207

(अष्टाक्षरी )


सूर येता प्रभातीचे

करी कोकिळा कुंजन

कमळाच्या पाकळीत

करी भ्रमर गुंजन||१||


तान सुरेल खेचता

जाग येई रानफुला

सोनसळी प्रकाशात

होई आसमंत खुला||२||


कोकिळेचे मधुगान

देई साद ऋतुराज

वाहे चैतन्याचे वारे

सृष्टी होई सरताज||३||


आवाजाची मधुरता

फुलविते आमराई

मोहोराच्या सुगंधाने

कळी खुले रानजाई||४||


महोत्सव गंधर्वाचा

वसंतात मोहरला

विविधांगी नानारंगी

आसमंती बहरला||५||


शीळ घाली पानाआड

बासरीची लावी तान

सप्तरंगी सप्तसूर

वृक्ष, वेली नसे भान||६||


गर्व नसे कोकिळेस

रोज गाई नवे गाणे

स्वजनांच्या सुखासाठी

छेडी मधुर तराणे||७||


Rate this content
Log in

More marathi poem from Vinita Kadam

Similar marathi poem from Classics