Library
Profile
श्रीराम स्तुती
श्रीराम स्तुती
संसारसंगे बहु शीणलो मी |
कृपा करी रे रघुराज स्वामी ||
प्रारब्ध माझे सहसा टळेना |
तुजवीण रामा मज कंठवेना ||१||
मन हे विकारी स्थिरता न ये रे |
त्याचेनि संगे भ्रमती भले रे ||
अपूर्व कार्या मन हे विटेना |
तुजवीण रामा मज कंठवेना ||२||
मायाप्रपंची बहु गुंतलो रे |
विशाळ व्याधीमधे बांधलो रे ||
देहाभिमाने अति राहवेना |
तुजवीण रामा मज कंठवेना ||३||
दारिद्र्य दुःखे बहु कष्टलो मी |
संसार्मायेतचि गुंतलो मी ||
संचित माझे मजला कळेना |
तुजवीण रामा मज कंठवेना ||४||
लक्ष्मीविलासी बहु सौख्य वाटे |
श्रीराम ध्यातां मनीं कष्ट मोठे ||
प्रपंचवार्ता वदतां विटेना |
तुजवीण रामा मज कंठवेना ||५||
अहोरात्र धंदा करितां पुरेना |
प्रारब्धयोगे मज राहवेना ||
भवदुःख माझें कधीही टळेना |
तुजवीण रामा मज कंठवेना ||६||
तीर्थासी जाता बहु दुःख वाटे |
विषयांतरी राहुनि सौख्य वाटे ||
स्वहीत माझें मजला कळेना |
तुजवीण रामा मज कंठवेना ||७||
मजला अनाथा प्रभु तूंच दाता |
मी मूढ कीं जाण असेंच आतां ||
दासा मनीं आठव विसरेना |
तुजवीण रामा मज कंठवेना ||८||
