श्री स्वामीसमर्थ

श्री स्वामी समर्थ

जय जय स्वामी समर्थ

जगणे झाले सुसह्य

नाही नामस्मरण हे व्यर्थ..

आधार आम्हाला तुमची

नजरेसमोरची मूर्ती

संकटसमयी रक्षणकर्ता

तुमची हो कीर्ती..

शरण तुम्हाला आम्ही

नतमस्तक होऊनी

मनास लाभे शांती

दर्शन तुमचे घेऊनी..

स्वामी समर्थ स्वामी समर्थ

जपाची माळ घ्या हाती

तुमच्या मनातल्या दु:खांची

पळून जाईल भीती..

भावभक्तीने हात जोडतो

वंदन करण्या स्वामी

तुम्ही आमच्या पाठीशी

निर्धास्त जगतो आम्ही..!