आठवण..
आठवण..
1 min
270
रुसतेस तू तेव्हा
आठवण मला निवडुंगाची
तू लाजतेस जेव्हा
आठवण मला लाजाळूची
अबोल होतेस तेव्हा
आठवण पटकन अबोलीची
तू बोलतेस जेव्हा
आठवण डाळिंबाच्या दाण्यांची
तुझा स्पर्श होतो तेव्हा
आठवण मोगऱ्याच्या गंधाची
आरक्त होतेस तू जेव्हा
आठवण लालभडक गुलाबाची
तू चालत असतेस तेव्हा
आठवण अपरिहार्य नागिणीची
तू हसत असतेस जेव्हा
आठवण प्राजक्त टपटपण्याची
मिठीत माझ्या असतेस तेव्हा
आठवण उमलत्या कमलदलाची
तू जवळपास नसतेस जेव्हा -
आठवण नेमकी काट्याकुट्यांची !