Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

विजयकुमार देशपांडे

Tragedy


4  

विजयकुमार देशपांडे

Tragedy


ते माझे घर ..

ते माझे घर ..

1 min 194 1 min 194

माझे ते घर.. ते माझे घर

कुठे कसे हरवले ते घर 

प्रभातसमयी पुढे दिसतसे 

सुरेख रांगोळी अंगणभर ..


घरासमोरी प्रशस्त अंगण 

अंगणात तुळशीवृंदावन

निरांजनी त्या तेवत वाती 

शांत उजळत प्रकाशज्योती ..


सुंदर छोटे उदबत्तीघर 

सुवास पसरे सारा घरभर

हात जोडुनी प्रार्थित सुस्वर 

जाती निनादत गल्लीभर ..


इवल्याशा वाटीमधली 

साखर दाणेदार चिमुटभर

वाटीमधल्या प्रसादास्तव 

"तू तू मी मी" होतसे गजर ..


माया जमली जीवनात 

घेतला मोठासा मी फ्ल्याट 

अंगणाविना सुनासुना तो 

उरले उदास जीवन त्यात ..


"ते हात" ही मज दुरावले 

मायेने पाठीवर फिरले 

ते मायेचे जीर्ण पांघरुण 

आता घरात नाही उरले ..


माझे ते घर.. ते माझे घर

कुठे कधी हरवले ते घर ......!


Rate this content
Log in

More marathi poem from विजयकुमार देशपांडे

Similar marathi poem from Tragedy