शिवधर्म

जीवनात दाखवली वाट

 उगवली मंगल पहाट ;

शिवबा तुझे थोर उपकार 

आली परिवर्तनाची लाट .

          रयतहितासाठी केली

          जुलमी सुलतानशाही नष्ट ; 

          स्वातंत्र्याचे विचार पेरूनी 

          शिवधर्म निर्मिला सुस्पष्ट .

अविरत, अपार संघर्ष केला 

रक्तरंजित इतिहास घडवला ;

अभिमान वाटतो आम्हां

 रयतेचा आधारस्तंभ झाला .

         समता नांदावी म्हणून बांधले  

        समानतेच्या सूत्रात सकलांना ;  

         सर्व जाती-धर्म भाषिकांना 

       न्याय हक्क दिले अबालवृद्धांना. 

सोनियाचे दिवस आले 

भोग रयतेचे गळून गेले ;

स्वातंत्र्याची ज्योत पेटवून 

अन्यायाला भस्म केले .

         कर्मकांडांना दिली तिलांजली  

         विज्ञानवादाला आली भरारी ;  

         शिवबासम राजा होणे नाही 

        सोबत शिवानुभवांची शिदोरी . 

वंदन तुमच्या चरणी 

शिवपराक्रम आठवुनी ;

न्यायी शिवकाळ येऊनी

शिवशाही दिसावी नयनी.