शिवाजी महाराज
शिवाजी महाराज
ढोल ताशे वाजवत राजे
तुमची जयंती साजरी करू
राजे गनिमांच्या हल्ल्यात
जवान नाहक लागले मरू
आतंकाने मांडला उच्छाद
पुढारी बोलबच्चनच राजे
देशभर उमटलेत पडसाद
तुमच्या नावे ढोलच वाजे
नेते राहिले नाही कामाचे
तुंबडीच भरण्यात ते गुंग
नाही देशसेवेचे व्रताचरण
मौजमजा करण्यात दंग
दुसऱ्यांसाठी झटण्याची
नाही राहिली राजे वृत्ती
घराच्या पिंजऱ्यात राहुन
मनं बनलीत अशी कोती
राजे तुम्हावाणी कुणाचे
पेटून उठत नाहीच रक्त
जगणे मरणे स्वत:पुरते
आनंद घेती स्वत: फक्त
साम दाम दंड नि भेद
वापरून झालीय नीती
कोडग्या जनाची बनली
अशीच जीवनाची रीती