शेवटचा टप्पा (एक काव्य कथा)

वृद्धाश्रमाच्या खिडकीतून तो बाहेर बघत होता

स्वतःचा भूतकाळ तो पुन्हा पुन्हाआठवत होता

बाहेर बागेत एक लहान मुलगा खेळत होता

जवळच लॉनवर त्याचा वडील लोळत होता

त्याची आई कौतुकाने त्याच्या कडे बघत होती

त्याच्या वडिलांशी ती आनंदाने बोलत होती

त्या कुटुंबाला बघून याला फार दाटून आले

आयुष्यातील असेच क्षण केव्हाचेच निघून गेले

त्याने जीवन भर कष्ट करून मुलाला शिकविले

मित्राने एकुलती मुलगी देऊन त्याला पूर्ण फसविले

सुनेच्या त्रासा ने पत्नी नैराश्यात जग सोडून गेली

सून मुलाला कायमची माहेरी सोबत घेऊन गेली

राहते घर विकून मुलाला पुण्यात फ्लॅट घेऊन दिला

मुलगा ही बापाला सोबत राहायला घेऊन गेला

मित्र स्वतःचा फ्लॅट विकून तिथेच राहायला आला

मग मात्र पिताचा व पुत्राचा घरात बराच वाद झाला

सुनेने मग या मुद्द्यावर मुलाचेच कान ओढले

सासर्‍याला त्वरित तिने वृद्धाश्रमात धाडले

पत्नीची वारंवार त्याला आठवण येत होती

डोळ्यातील अश्रूची धार गालावरून वाहात होती