।। शेती आणि शेतकरी ।।

पोटच्या जीवा परी, शेतावरी केली माया।

कधी पिकलं शेतात, मूठ भर पीक खाया।।

 

मेघ पाहून आकाशी, काय शेतात पेरावं।

भेगाळल्या शेतास बांधावरून पहावं।।

 

रानंमाळ शेती सारी, उन्हानं करपली।

गुरढोर माणसांची, तोंड उन्हान सुकली।।

 

वाट पिकाची लागली, शेती गेली सारी वाया।

एक थेंब पावसाचा, नाही तोंडात टाकाया।।

 

विहिरी तलाव तळी, सारी उताणी पडली।

तरी दया कशी नाही, आता पावसास आली।।

 

आस वाटते मनाला, मेघ येईल धावत।

आता येईल पाऊस, सोनं पिकलं शेतात।।