जीवनातला खेळ
जीवनातला खेळ
आता या नव्या दुनियेत
बदलावं म्हणतो थोडं
तेव्हा कुठेतरी सुटेल
माझ्या जीवनाचं कोडं
मतलबी या दुनियेत
माझे कुठेच नाव नाही
विसाव्याला रोज इथे
हक्काचे एकही गाव नाही
इमान राखतो रोज इथे
पण जिंदगीत भाव नाही
वेदनेत विव्हळतो कितीदा
साधा घावही दिसत नाही
स्वप्न देतात आश्वासने
आयुष्य प्रितीत जगण्याची
कर्तव्य देतात रोज सल्ले
जीवन रीतीत जगण्याची
मी नसतो तिचा कधी
माझ्यासाठी असते माझी ती
जाणून घेत नाही कधी ती
माझ्या मनातली फजिती ती
कळेल तिला सारंकाही
जेव्हा निघून जाईल वेळ
सोपा नसतो काही या
जीवनातला सारा खेळ