हे रंग जीवनाचे
हे रंग जीवनाचे
हे रंग जीवनाचे
माणसांच्या अमाप गर्दीत
रोजचं दिसतात इथे
रंग नवे माणसांचे
अन् भकासल्या मनावर
मी कैकदा उधळतो
हे रंग जीवनाचे
पेरल्यात कुणी जाती
जरी एकच आमची माती
आभाळाच्या पदराखाली
मी पेरतो बियाणे माणुसकीचे
जातीच्या तोडून पाती
भरतो हे रंग जीवनाचे
फडकती इथे झेंडे वेगळे
भगवे,निळे, हिरवे,पिवळे
मी मात्र इथे भारतीय
तिरंगा फडकवतो आहे
तेव्हा उफाळून येती मग
नवे हे रंग जीवनाचे
उदासीच्या छायेत इथे
कित्येक अनाथ दिसतात
भाकरीचा रंग इथे
रोजचं शोधत असतात
देवून त्यांना मदतीचा हात
भरु नवे हे रंग जीवनाचे