शान तिरंग्याची

तिरंगा प्रिय आम्हांला , सदासर्वकाळ

ध्वज नभी भारताचा , अनंतची काळ   // ध्रु //

रक्त सांडिले भूमीत , स्वातंत्र्य योद्ध्यांनी

ध्वज उभारता होई , हत्त्याच गोळ्यांनी

आज डौलाने फडके , दिली प्राणमाळ   (1)

आँलिंपिकमधी ध्वज , विजयी देशाचा

तिरंगा झळके तिथे , भारत देशाचा

झळकता नभी ध्वज , सफलता माळ     (2)

तिरंगा लपेटून ये , वीरपुत्र घरी

रडतीच धायीधायी , दुःख दाटे उरी

मायबापांच्या आसवा , नसे मुळी खळ    (3)

वीरमरण येता लाभे , पुण्य हो अपार

धडकता वार्ता नसे , शोका पारावार

मान तिरंग्याचा लाभे , जे जिंकिती काळ   (4)