शाळेची मज्जा

ये रे ये रे काऊ

तुला देतो खाऊ

 लॉकडाऊन संपणार

 कधी सांग मला पाहू

 आता मला घरात बसून

 आलाय कंटाळा 

असं वाटतं कधी एकदा

 उघडेल माझी शाळा

शाळेत जाईन दप्तर घेऊन

 गणवेश घालीन छान 

मस्ती करेल मित्रांशी

 पण ओढणार नाही त्यांचे कान

डब्यात दे पोळी भाजी

 सॅंडविच पण दे कधीतरी

 चालेल मला सारे काही

 पण राहायचे नाहीआता घरी

माझे मित्र आणि मैत्रिणी 

 माझे सर आणि बाई

सगळ्यांना भेटण्याची

बघा झाली मला घाई

खडू आणि फळ्या ची मज्जा 

ऑनलाइन शिक्षणात नाही

 शाळेतली सारी धिंगाणा मस्ती

 एकट्याने करता येत नाही