शाळा भरली
शाळा भरली
टेबल-खुर्ची फळे
होते कोंडलेले
घरोघरी दिसत मुले
ऑफलाईन शाळेस मुकलेले-1
घराघरातील आवाज मुलांचा
शाळेत येत नसे ऐकू
शाळेतील क्रिडांगणास
मुले लागत होती मुकु-2
दीड -दोन वर्ष कालावधीनंतर
शाळा भरली आज
माथ्यावर बालगोपाळांच्या
चढला आनंदाचा ताज-3
विद्यार्थ्यांच्या अंगावर
पहा गणवेश चढले
हातातील पिशवीत
डबेही सजले-4
हसण्या बागडण्याने
फुलू लागल्या शाळा
शाळा बसेसही आता
होतील साऱ्या गोळा-5
गुरुजींच्या आवाजाने,
वर्गभिंती दुमदुमतील
पालकांचे ओझे सुद्धा
कमी होताना दिसतील-6