सौंदर्य मनाचे

शरीर सौंदर्या भुलुनी

मी व्यर्थ नाही दमणार

सौंदर्य मनाचे जाणूनी

खरी सुंदर मी होणार   (१)

शरीर सौंदर्य क्षणिक 

भर असे तारुण्यामधी

ओसरता जवानी मग

लयास हळूहळू जाई   (२)

संवेदनशील मनाने

संकटग्रस्त जाणणार

चैन मजेला विसरुनी

मी मदतीस धावणार   (३)

अनाथ अपंग कितीक

हालआपेष्टा जाणणार

हात मदतीचा देऊनी

तया आनंदी करणार   (४)

नितळ मनाचे सौंदर्य 

शाश्वत नि चिरंजीवी

मज हर्षभरे खुलवी

हे जीवन सार्थकी लावी  (५)