🌲सैनिक🌲

 देशासाठी लढतो तो सैनिक माझा

 रात्र दिवस एक करतो सैनिक माझा

 उन्हा तान्हात तपतो तरीही लढतो

 आन-बान शान आहे तो सैनिक माझा

 रक्षण करुनी चोवीस तास भारताचे

जीवाची बाजी लावतो सैनिक माझा

 शपथ घेऊनी तो देशाच्या रक्षणाची

 अंतीम श्वासपर्यंत लढतो सैनिक माझा

 घरापासून दूर राहून देशासाठी झटतो

 असा शूर वीर आहे तो सैनिक माझा

 युद्धात शत्रूला पर्यास्त करूनी जिंकतो

 तिरंग्याची शान राखतो सैनिक माझा

 शूर वीर जवान योद्धा जाबाज शौर्य आहे

 देशाचा अभिमान आहे तो सैनिक माझा