सात जन्माची साथ

सप्तपदी चालताना

एक आहे आस मनी 

दे सात जन्माची साथ

तुजवीण नाही कुणी   १

सुख दुःखाच्या बाजारी

मागतो एक सजना

दे सात जन्माची साथ

कसे समजावे मना ‌   २

नाही कुणी माझे दूजे

दे सात जन्माची साथ

या मायावी बाजारात 

चालू नित्य साथ साथ  ३

मिळो तुझी साथ प्रिये 

हिच आस मनी राहे 

दे सात जन्माची साथ

दुजे मज नको आहे  ४

जागृती सुषुप्ती स्वप्नी

एकच मागतो आहे

दे सात जन्माची साथ

तुझी मुर्ती हृदयात राहे ५