सांगशील का
सांगशील का
काय होतं ते सांगशील का
जे मी तुझ्या डोळ्यात पाहिलं
अजून उत्तर मिळालं नाही
एक कोडंच जसं मनात राहिलं || 0 ||
मी प्रेम समजू का
हा विचार पडला होता
एक रोग मनाला
नकळत का जडला होता
माझं जीवन जसं
होतं तुझ्या साठी वाहिलं
अजून उत्तर मिळालं नाही
एक कोडंच जसं मनात राहिलं || 1 ||
कसं तूला विचारावं
उपाय काही सापडला नाही
माझ्या प्रश्नांची उत्तरे मिळतील
प्रसंग असा घडला नाही
किती वेदना किती दुःख
मी होतं तेंव्हा साहीलं
अजून उत्तर मिळालं नाही
एक कोडंच जसं मनात राहिलं || 2 ||