रुपे पाण्याची
रुपे पाण्याची
रंग बदली जादूसारखे
क्षणाक्षणाला पाणी
बेमालूम मिसळून जाई
जीवन महागुणी
प्रपातातूनी खळखळूनी
पाणी कोसळे झणी
आनंद तुषारांचे देई
पर्यटकांसी मनी
डोंगर नदी पार करुनी
वाहे प्रवाहातूनी
भेटण्यास प्रियासी
नदी तृप्त मीलनी
जनजीवन हो परिपूर्ण
जीवना तुझ्यामुळे
डोळे लावी नभी कृषीवल
पर्जन्य आशेमुळे
जलचरांचा तू त्राता दाता
तूच सर्वस्व तया
जळावीण तळमळे मासा
जीवन देसी तया
वृक्ष वेली नि लता तरुंना
बहर तूच देसी
घन घन मालांचे नर्तन
हरितसृष्टी होई
किती रुपे वर्णू तुझी नाना
कधी रौद्र वादळी
रिमझिमत्या धारांमधून
बरसावे जीवनी