ऋतूंचा सोहळा

फिरते कालचक्र नित्य 

होते दिवस आणि रात्र

युगामागुनी युगे जाती

ऋतूंचे चाले नियमित सत्र 

पूर्वेला उगवे दिनकर 

अंधारात दिसे चांदणे 

धरतीने कोरली अंगावर 

पावसाची सुंदर गोंदणे 

ऋतूमागूनी येत असे ऋतू

उन्हाळा, पावसाळा, हिवाळा

सगे - सोयरे सर्वच आपले 

सर्वांशीच माणसाचा जिव्हाळा 

उन्हाळ्यात आहे ऊन खूप 

पावसाळ्यात बरसे धारा 

हिवाळ्यात गोठते अंग 

सर्व ऋतूंत नित्य वाहे वारा 

वर्षभर अखंड चालला

नयनरम्य ऋतूंचा सोहळा 

सजला निसर्ग मनोहारी 

सृष्टीचा रंग वेगवेगळा