लाइब्रेरी
प्रोफाइल
ऋतू हिरवा
ऋतू हिरवा
1 min
64
आषाढ सरींना गवसला
पावसाचा सूर ताल नवा
चराचरात ओतून चैतन्य
गंधाळला हा ऋतू हिरवा
वृक्षवल्लींच्या नव्हाळीने
नैराश्य तिमिरही लोपला
गार गार शिरव्यात बेधुंद
इंद्रधनू हृदयीचा सजला
मृद्गंध भिनता हा श्वासात
उदासीनता पावली भंग
प्रसन्न दिशा दावूनी गेला
बहुरंगी सुमनांचा सत्संग
मखमली तेजस्वी तृणांनी
दुतर्फा सजली पायवाट
चांदव्यात भिजूनी काया
अंतरंगात उसळली लाट
काळ्या मातीत वाहिली
सृजनाची अनोखी धारा
अपेक्षित धान्य राशीचा
डोळ्यांत चमकला तारा
उष्ण झळांनी ग्रासलेला
विसावला भाव कोवळा
कणकणही मिरवी नेटाने
सृष्टीचा नवजन्म सोहळा
