लाइब्रेरी
प्रोफाइल
मोत्याचं दान
मोत्याचं दान
1 min
28
साद मनास घालते
आठवण पावसाची
कशी सांगावी महती
अनमोल दिवसाची
भर उन्हात एकदा
मेघ दाटून रे आले
गारव्यात सुखावून
भावनांचे गीत झाले
स्पर्श पहिल्या थेंबाचा
आहे माझ्या स्मरणात
दवबिंदू जाणिवांचा
आहे स्मृती कोंदणात
बरसता भाव सरी
चिंब झाले तनमन
गंधाळता मनधरा
गवसले शब्द धन
आंतरिक आनंदाची
मग रचली कविता
विसरून भान सारे
जणू वाहते सरिता
दुःख ओसरून तेंव्हा
दान मोत्याचं लाभलं
नवं चैतन्यात सखे
मन माझं निवळलं
