Library
Profile
रेसिपी
रेसिपी
1 min
246
रेसिपी उद्या लवकर उठायचंय ....
काही सुखाच्या क्षणांना वाळवू म्हणतेय ,
काही मीठ लावून , तर काही ;
साखरेच्या पाकात घालायचे ; ठरवलंय .
किती ऊन्हं ' यायची ?
अजून काही महिती नाहिये .
करायचं अंदाजाने ;
बाकीचे पदार्थ करतेच की .
हे ही उत्तमच होणार .... !
नाहीतर ,
हे सुखाचे क्षण परत आणायचे कुठून ?
आणि मिळालेच नाहीत , कधी कुठे तर ?
नको ... ते पुढंचं पुढे बघु !
आणि हो
काही सुखाच्या क्षणांचं लोणचंसुद्धा घालायचंय ,
आहे कोणाकडे रेसिपी .... ?
म्हणजे नंतरही कधी चाखता येईल , सुखाची चव ,
तळून , भाजून ; नाहीतर तोंडी लावून . अरे
एवढं सारं करायचं ठरवलंय .... पण ....
माझ्याकडे आहेत का सुखाचे तेवढे क्षण ?
