रात्रंदिन

नक्षत्र चांदण l हाती धरून

करते नंदनवन l रात्रंदिन

पायी पैंजण l करी रुणझुण

फेडीते ऋण l रात्रंदिन

हळद कुंकू l सौभाग्य वाण

लावते भाळी l रात्रंदिन

नारळ खण l साडी कंकण

भरलेली ओटी l रात्रंदिन

चन्द्र चांदण l माहेरचं आंदण

काढत रांगोळी l रात्रंदिन

प्रपंच कांचन l अर्पिले तनमन

झिजले चंदन l रात्रंदिन

तुळस अंगणी l नटली छान

ठेवुनी भान l रात्रंदिन

सख्याचे जीवन lमाझे पंचप्राण

ठेवीन गहाण l रात्रंदिन

शरीरे त्राण l तोवरी राबीन

क्षण औक्षण l रात्रंदिन

रेशीम बंधन l करून तोरण

बांधीन चौकटी l रात्रंदिन

दैवाचे वरदान l श्रुष्टी सृजन

जीवन महान l रात्रंदिन