Library
राष्ट्रगुरु संत समर्थ रामदास
राष्ट्रगुरु संत समर्थ रामदास
राष्ट्रगुरु संत समर्थ रामदास स्वामी||
संसार,अध्यात्म,राजनीती । करोनी निरीक्षण सूक्ष्म अती ।
अमृत दिले लोकाहाती । दासबोध ।। १ ।।
वर्ज्य विषय नाही कोणता । राष्ट्रसंत समर्थ नेणता ।
आचरणी उपदेश आणता । सुख वर्षा ।।२ ।।
अभ्यासली अवघी सृष्टी । विज्ञानाची दिव्य दृष्टी ।
पानोपानी सद्गुण पुष्टी । दासबोध ।। ३।।
राष्ट्राभिमानी समर्थ विचार। जीवनी केला तैसाची आचार ।
स्वधर्माचा स्पष्ट प्रचार । भारत भ्रमणी ।।४।।
राष्ट्रास देई ताठ कणा । समर्थ विचार तोची म्हणा ।
देशद्रोहयामाथी हाणा । भीमटोला ।। ५।।
ज्वलंत विचारांची खाण जणू । देवूनी मेंदूस थोडा ताणू ।
निश्चये अमलात आणू । राष्ट्रासाठी ।। ६।।
राष्ट्रसंत जे लिहोनि गेले । त्याकडे दुर्लक्ष केले ।
करंटे होवोनी मेले । ऐसे न व्हावे ।।७।।
उपदेशिले वर्तन यथार्थ । जाणोनी त्यातील मतितार्थ ।
झीजोनी होऊ कृतार्थ । राष्ट्रासाठी ।।८।।
दासबोध व्हावा श्वास । दासबोध व्हावा ध्यास ।
उभवू राष्ट्र उंच खास । दासबोध पाया ।।९।।
