राम राज्य येऊ दे

राम राज्य येऊ दे देवा 

संकटांनी झालो बेजार

पिडिले दीनहीन पामर

नडलाय चीनचा शेजार

बंदच झालीत देवालये 

उद्ध्वस्त होतो बाजार

काळजी न घेणाऱ्याला

आला विषाणुचा आजार 

माणुसकीचे सरले नाते

कठीण झालेय जगणे

समज नि गैरसमजातून

कळेना झाले हे वागणे

पसरला अंधकार जगी

नात्यांची ना उरली हमी

सुरक्षित जीवन जगण्या

येईना माणुसकी कामी

वाटतेय मिळावे फिरुनी 

पहिले हूंदडण्याचे दिवस

स्वच्छंदी स्वैर ते फिरणे

करतोय देवालाही नवस

 

किती झिजले मातापिता 

झाले पुत्र पैशाचे शिकारी 

वृद्धाश्रमाची वाट धरावी

जणू रस्त्यावरचे भिकारी