राखी

राखीचा हा बंध प्रेमाचा , 

प्रेम आहे भावा बहिणीचा । 

रेशमाच्या धाग्यांनी बांधून त्याला , 

नात्यांचा हळूवार स्पंदनाचा ॥ 

आयुष्याच्या प्रत्येक वळणावर , 

भावास असेल बहिणीचा साथ । 

कशीही परिस्थीती आली तरी , 

असेल दोघांचा हातात हात ॥ 

दुर असून ही या दिवशी , 

लहानपणीचे दिवस आठवतात । 

हातातल्या राखी ला बघून , 

ताईचे प्रेम मनी साठवतात ॥ 

प्रेमाचं प्रतिक आहे राखी , 

त्यात भावा बहिणीचे प्रेम असे । 

बहिणीच्या रक्षणार्थ सदा , 

भावाचे जीवन सज्ज दिसे || 

भावाच्या सुखाच्या व दिर्घायुष्याची , 

कामना नेहमी बहिण करते । 

रक्षाबंधनाच्या या पवित्र सणाला , 

बहीण अगणित शुभेच्छा देते ॥