राजसा

दारूत आता डुंबलेला राजसा आहेस तू

प्रेमात थोडा भंगलेला राजसा आहेस तू 

प्रेमातल्या व्याख्या चुकीच्या लावतो नाहीस का

सूडात मोठ्या पेटलेला राजसा आहेस तू 

जाणून घे सामर्थ्य हृदयाचे तुझ्या थोडे तरी 

सौंदर्य ऊर्जा लाभलेला राजसा आहेस तू 

आयुष्य डावावर नको लावूस निष्कारण तुझे

हारूनही बघ जिंकलेला राजसा आहेस तू 

दारूमुळे कोणी कधी नाही सुखी झाला इथे

सुंदर फुलांनी गंधलेला राजसा आहेस तू