Library
Profile
तू बनून ये तुफान
तू बनून ये तुफान
1 min
41
कोरले तुझेच बिंब काळजात साजणी
पाहतो तुझेच रूप आरशात साजणी
देवता तुलाच मी खरी मनात मानतो
पूजतो तुलाच फक्त अंतरात साजणी
बंधनात राहणे तुझे मला न आवडे
ये फिरायला दुधाळ चांदण्यात साजणी
दूर दूर धावतेस स्वप्न तू पहाटचे
मी करेन पाठलाग वादळात साजणी
मी युगे युगे तुझीच वाट पाहतो इथे
तू बनून ये तुफान सागरात साजणी
*पंकज कुमार ठोंबरे वाशिम*
