Library
Profile
प्रश्न
प्रश्न
काही काही प्रश्नांना उत्तरच नसतं
असं का तसं का विचारायचं नसतं
जसं आहे तसं स्विकारायचं असतं
दुसऱ्यांच्या आयुष्यात डोकावायचं नसतं
तुलनेच्या फंदात पडायचं नसतं
त्याचं कसं माझं कसं म्हणायचं नसतं
संकट पाहून कण्हायचं नसतं
काही काही प्रश्नांना उत्तरच नसतं
जसं आहे तसं स्विकारायचं असतं
आव्हानाला भिडायचं असतं
संकटाशी लढायचं असतं
नसेल साथ कोणाची तरी रडायचं नसतं
माणसं पारखायला शिकायचं असतं
काही काही प्रश्नांना उत्तरच नसतं
जसं आहे तसं स्विकारायचं असतं
तीच तीच स्थिती रोज थोडी का रहाते!
प्रत्येक तिथी तर बदलतंच असते
बदल हा सृष्टीचा नियम आहे
ताठरता आपलाच अहं आहे
काही काही प्रश्नांना उत्तरंच नसतं
जसं आहे तसं स्विकारायचं असतं
आयुष्यात कायम अंधःकार का असतो!
भविष्यात उगवणारा उषःकाल नसतो?
प्रसंगाप्रमाणे बदलायचं असतं
उद्याच्या स्वप्नांनी खुलायचं असतं
काही काही प्रश्नांना उत्तरच नसतं
जसं आहे तसं स्विकारायचं असतं
आनंदाचे क्षण आठवायचे असतात
हर्षाचे मधुकण साठवायचे असतात
आशेचे दीप लावायचे असतात
अन् त्याच शिदोरीवर कठीण प्रसंग निभावायचे असतात
काही काही प्रश्नांना उत्तरच नसतं
जसं आहे तसं स्विकारायचं असतं
नव्या उमेदीनं उभं रहायचं असतं
तावून सुलाखून झळाळायचं असतं
अन् अस्तित्व आपलं पुन्हा निर्माण करायचं असतं
अस्तित्व आपलं पुन्हा निर्माण करायचं असतं
