प्रपोज दे...!

काही काही गोष्टी

काही काही स्वप्न

या ना त्या कारणाने

राहून जातात

हरल्याची भावना

आतल्या आत पोखरते

तेंव्हा

मात्र हे आंदोत्सवाचे दिवस

खरेच उपयोगी पडतात

ते पुन्हा त्या वळणावर

आपोआप घेऊन जातात

प्रत्येक स्वप्न

स्वप्नात का असेना

साकार करतात

आणि एक एक

हुकलेला क्षण परत देतात

जिंकल्याचा आनंद देतात

आणि म्हणतात

आपण बंधन मुक्त आहोत

पाहिजे तेंव्हा भेटू शकतो

प्रपोज करू शकतो

भले मग

स्वप्नात का असेना

सत्याची अनुभूती घेऊ शकतो

आनंदात आनंदी होऊ शकतो

हे क्षण

असेच असतात

निसटले तरी

परत परत येणारे

आणि

अखंड साथ देणारे....!