प्रकाशपर्व

प्रकाशपर्व

निसर्गचक्राने येता हिवाळा

दिवस होत चालला छोटा

अंधार लागता सर्वत्र ग्रासू

पणत्यांचा प्रकाशपर्व मोठा

आकाश कंदिल बांधला

दिपमाळाही आल्या मदतीला

झगमग झगमग दारोदारी

दिपोत्सवाच्या स्वागताला

थोडा प्रकाश पेटवू मनात

आशेचा किरण चला लुटुया

जमेल तिथे जमेल तसे

थोडासा आनंद आज वाटुया

विषमतेचा दाटल्या अंधारी

माणुसकीचा दीप पेटावा

समानतेच्या प्रकाशपर्वात

माणसाला माणूस भेटावा

चला गड्यांनो करु सुरुवात

पुसूया अश्रु दीन दुःखितांचे

लावुया पणती अशी आशेची

लोटूया दारिद्रय पुर्वसंचिताचे