प्रेमालाप

ओलांडूनी माप सासरचे 

आली सखी माझ्या घरा

तुझे हसणे माझे जगणे 

झालाय पावन हा उंबरा 

तुझ्या प्रसन्नशा वदनाने 

जीवनात वसंत बहरला 

हवाहवासा वाटे सहवास

सारा मांडवच गहिवरला

येताच तू माझ्या अंगणी

प्राजक्ताचा पडला सडा 

दारातला उंच पिंपळ हा

स्वागताला स्तब्ध खडा 

आयुष्याचे होई सार्थक 

दिलेस मज सुखाचे दान 

सुसंस्कारांच्या शिदोरीचे 

करतो तुजसवे मी पान 

सप्तपदींच्या वेदीवरून 

तू सौभाग्यकांता झाली

करू मिळूनी प्रेमालाप 

मजसवे सुखात न्हाली