Library
Profile
प्रेमाची कविता
प्रेमाची कविता
हार्टशेप केक अन गिफ्ट्स
यांची अदलाबदल पाहिली
आईबाबांची पूर्ण खोली
गुलाब फुलांनी सजली
त्यांच्यासंगे डिनरला जाण्यास
मीही तयार होऊनी बसले
उधळलेले प्रेमाचे लाल रंग
घरात चोहीकडे पसरले
राहणार होते दोघेच घरात
वृद्ध आजी आजोबा आमचे
गुंतले आजोबा सेवा करण्यात
खाट्यावरील आजारी आजीचे
श्रमून जात असे आजोबा
रोज करुनी शुश्रूषा आजीची
एक प्रभावी दिव्य शक्ती जाणवी
मला त्यांच्या प्रेमळदायी प्रेमाची
रोजच सहन करुनी आजी
रात्रभर त्रास खोकल्याचा &nbs
p;
आजोबा बिचारे बसून राही
घेऊनी हाती पेला पाण्याचा
बोलण्यास धजले आईबाबा
त्यांना दोन शब्द प्रेम आदराचे
कोणतीच सेवा न मदत नाही
फक्त द्यायचे ताट जेवणाचे
खाटेवरच्या आजीचे मन
रडायचे आजोबाला बघूनी
वृद्ध जीवन नको असे
देवाला दाखवी बोलूनी
गिफ्ट अन डिनरचे ते
गुलाबी प्रेम आईबाबांचे
तर इथे सेवेत गुंतलेले
मन आमच्या आजोबांचे
प्रेमाचे दोन भिन्न रुपे
पाहिले मी एकाच घरात
एकीकडे प्रेम चांदण्या फुलात
दुसर निस्वार्थी प्रेम जीवनात...
