प्रेमाचे फुल
प्रेमाचे फुल
एकदा सगळ्या फुलांचे गुलाबाशी झाले वैर
सगळेच्या सगळे बिचाऱ्या गुलाबाशी भांडायला झाले स्वैर
विचारू लागली फुले, गुलाबा कोणती ऐसी जादू केली
कोणत्या ऐशा गुणाने प्रियकराने तुझी निवड केली?
आमचाही रंग चांगला दिसायलाही आहोत बरे
वास तर तुझ्याहून चांगला मग तुझाच मोह त्याला का पडे
गुलाब हसला जरासा अन रहस्य भेदू लागला
काय कारण की प्रियकर त्याच्याच मागे लागला
गुलाब फुलांना म्हणाला
दिसायला तर चांगले आहेतच लाखपटीने, वास छान हा
काट्यांचे महत्व जास्त कळले प्रेम करता प्रियकारा
सुखी क्षणांच्या सोबत असणे म्हणजे काही प्रेम नव्हे
दुःख सोसता घट्ट होणारे पक्के प्रेयसीला प्रेम हवे
फुलांस पटले, भांडण निजले। फुलगण एकमेकात कुजबुजला
सुखदुःखांची साठवण म्हणून गुलाब प्रेमाचे फुल बनला
गुलाब प्रेमाचे फुल बनला ...