प्रेम संपणार नाय!

प्रीतीत आपल्याही न्यारेच पेच आहे 

आरोप लावलेस तू काही खरेच आहे

ओढ तुझ्या भेटीची होती मनाला 

ती आस अजूनही जीवंत आहे 

दूर आहोत यामुळे कदाचित 

प्रिये, प्रीतीचा प्रवाह जरा संथ आहे 

तुझ्यामुळे माझ्या जीवनाला  

येत आहे प्रीतीचा सुगंध

तुझ्या असण्याने असतो 

माझ्याही जीवनी नित्य आनंद

हास्य तुझे भारी मनोहारी

त्यातच तुझा तो जीवघेणा राग

तुझ्या प्रेमाने माझ्याही उरी 

पेटवून दिली प्रेमळ आग 

होतील भेटी कोणत्या वळणावर

नशिबी नेमके आपुल्या काय

एक मात्र मनोमनी सांगतो साजणी

हे प्रेम कधीही संपणार नाय

प्रेम कधीही संपणार नाय