पळणारा डिसेंबर

तारखांच्या जिन्यातून

 पळणारा तो डिसेंबर

 सर्वांनाच जाणवतो फक्त

 डिसेंबर मध्ये 

बाकी वर्षभर चालूच

 असते खोडी कुरघोडी

 आणि कित्येक घडामोडी 

एकमेकांच्या तंगड्या ओढी 

 

जिंकण्याची लागते होड

 त्यासाठी सुंदोपसुंदी

 कधी शब्दाने, कधी शस्त्राने

 कधी विश्वासघात तर 

 कधी तोडफोड

 वर्षभर का लक्षात घेत नाही? 

यातले काही चेहरे वजा होतील

 अरे काल परवा तर भेटलो होतो 

आज मात्र ते मातीत असतील

 तेव्हा होते सारे निष्फळ

 हातात उरते फक्त हळहळ

 म्हणून ठेवा आपले मन निर्मळ

 अहो हा हा म्हणता जातील पळ

 पैसा मान मरातब सारे

 तर येथेच राहणार

 प्रेमाने बांधलेली शिदोरी

 फक्त तुमच्या बरोबर येणार