फुलपाखरू...

.... फुलपाखरू....

सुंदर तुझ्या पंखांचे रंग

होई तुज पाहता मी दंग

फुलपाखरू ते फूलात गुंग

फुलांच्या मधुरसात धुंद... ||१||

चिमुकले ते पंख रंगीत

भिजले रंगात अगणित

भिरभिरते फुलांवर हसत

रंगाची उधळण करत... ||२||

नाजूक छोटीशी मिशी छान

डोळे दिसती मणी समान

आवडे तू लहानथोरास

भूलती तव मोहक रंगास... ||३||

फुलपाखरा तू किती छान

निळ्या जांभळ्या रंगाची खाण

पाना -फुलांवर तुझी भ्रमंती

आसमंती तव रंगसंगती ... ||४||

...© सौ. गीता विश्वास केदारे...

मुंबई