पहिलं प्रेम..

प्रेम म्हणजे

तू समोर दिसताच

माझं माझ्यात हरवणं

प्रेम म्हणजे

तुझं लोभस बोलणं

मी तासनतास ऐकणं

प्रेम म्हणजे

तू जवळ नसताना

माझं उगीचंच बेचैन होणं

प्रेम म्हणजे

तुला जिंकताना पाहुन

मला सॉलिड वाटणं

प्रेम म्हणजे

तुझा विषय निघताच

माझं भरभरुन बोलणं

प्रेम म्हणजे

तुझ्या सोबत हिंडताना

वेळेचं पटकन संपणं

प्रेम म्हणजे

तुझ्यासह आयुष्यभराची

गुलाबी स्वप्न रंगवणं

प्रेम म्हणजे

तुझ्या नावाचं सौभाग्य

मी आयुष्यभर मिरवणं.