पेटत राहुदे जिद्द
पेटत राहुदे जिद्द
नको माणूस हार तु,
पेटत राहुदे जिद्द.
गेली नाही वेळ अजुनही,
तु कर स्वत:ला सिद्ध.
अंगारे संकटांचे हे,
आज ना उद्या विझतील.
धैर्याने पुढे चालत रहा,
तु स्वत:मधुन नवा घडशील.
वाटत असेल थांबला काळ,
झाले निशब्द सारे कष्ट.
अंधारातुनही दिसे किरण आशेचा,
तु कर नकारात्मकतेला नष्ट.
जरी पडले नियतीचे फासे आज उलटे,
तरी तु निराश होऊ नकोस.
आव्हानांशी झुंझताना मात्र,
माघार फक्त घेऊ नकोस.
सावट वाईटाचं, फार काळ टिकत नसतं,
तु फक्त मेहनतीचा गड सर कर.
उद्याचा दिवस तुझाच असेल,
तु फक्त निधड्या छातीने लढं.