पावसाळा येतो

पावसाळा येतो...

का? कुणास ठाऊक रोज पावसाळा येतो,

डोळ्यात कधी उश्याशी पावसाळा येतो ...

ते आठवांचे थवे दूर उडुनी जातात ,

तो सांज काठी दाटून पावसाळा येतो ...

चांदण रात्र सताड उघडी डोळ्यात तुटे ,

चंद्र लपता ढगाआड पावसाळा येतो...

वाटले होते तेव्हा तु वळुन बघावे ,

सावल्यांचा लपंडाव पावसाळा येतो...

तु हसल्यावर यायचा तो अवेळी तेव्हा ,

मी रोज वाट बघता पावसाळा ।येतो ...

हरवता मी स्वप्नात तुझ्या विचलीत मन ग,

गर्दितही असहय ऐकटे पावसाळा येतो ...