पाऊस घेऊन आला...

पाऊस घेऊन आला...

पाऊस घेऊन आला ,

सख्या तुझ्या धुंद लहरी ,

बरसता सर बेधुंद रिमझिम ,

प्रीतीच्या ओल्या सांज प्रहरी ...

ठिबकता थेंब श्वासामध्ये ,

दरवळला मृदगंध ओल्या देही ,

शहारलेल्या पानापानातून ,

ओलावत पापण्या झाल्या स्नेही ,

बरसता सर बेधुंद रिमझिम ,

प्रीतीच्या ओल्या सांज प्रहरी ...

सख्या तुझ्या धुंद लहरी ...

पाऊस घेऊन आला,

सखे तुझी धुंद ओढ वेढावणारी ,

बरसता सर बेधुंद रिमझिम ,

प्रीतीच्या ओल्या सांज प्रहरी...

जणू चांदणं चांदणं देहावरती ,

थेंब थेंब चमकत जाई ,

बट उडता वाऱ्यावरती ,

खळी गुलाबी लाजून जाई ,

बरसता सर बेधुंद रिमझिम ,

प्रीतीच्या ओल्या सांज प्रहरी ,

सखे तुझ्या धुंद लहरी ...

सौ. मनीषा आशिष वांढरे...