पाठीराखा माझा विठुराया
पाठीराखा माझा विठुराया
1 min
414
चंद्रभागेच्या या तीराला
जमला वारकऱ्यांचा मेळा
विठुनामाच्या या चरणी
गाव सारा झाला गोळा
गोळा झाला वारकरी
दिंडी घेऊनी खांद्यावरी
भगव्या पताका हातात
विठू नामाचे संकीर्तन करी
करी विठू रुक्माईची सेवा
मायबाप असती वारकरी
देव सावळाच हा विठुराया
वसतो हृदयातल्या मंदिरी
मंदिरी चाले नित्य पूजाअर्चा
भक्तीचा नाद पंढरीनाथाचा
संत वारकरी हे पंढरीत गोळा
विठू सावळा साऱ्या भक्तांचा
भक्तांचा विठू हरी वैष्णवांचा
भजिती पूजिती त्यालाच सारे
टाळ-मृदुंगाची ही मिळे साथ
सगळीकडे नामस्मरणाचे वारे