लाइब्रेरी
प्रोफाइल
पाणी
पाणी
1 min
193
उपयोग काय झाला
पाणी असून उशाला
थेंब एकही मिळेना
पडे कोरड घशाला
एका एका थेंबासाठी
किती चाले आटापिटा
मैलभर चालतांना
थकल्यात पायवाटा
एकावर एक हंडे
तीन तीन डोईवर
एकमेव कार्यक्रम
चालतसे दिसभर
पाणी होते मुबलक
नाही सांभाळता आले
तांब्याभर जेथे लागे
हंडाभर रिचवले
रक्त इतुके हे स्वस्त
कसे अन् कधी झाले?
घोटभर पाण्यासाठी
पाट रक्ताचे वाहिले
पाण्यासाठी नित्य येथे
डोके फोडाफोडी चाले
कंटाळून भांडणाला
पाणी लपून बसले
